ანონსიდან ერთი წლის შემდეგ Aston Martin-მა, როგორც იქნა, ჰიპერავტომობილ Valkyrie-ს ფოტოები და ამ მომავლის ავტომობილის ბევრი საინტერესო წვრილმანი გაამჟღავნა.

გასულ წელს Aston Martin-მა ფუტურისტული ჰიპერავტომობილის Valkyrie-ს ანონსირებით საზოგადოების დიდი ინტერესი გააღვიძა. კომპანიის წარმომადგენელთა განცხადებით „ვალკირია“ „ახალი თაობის McLaren F1» უნდა გახდეს, სარბოლო LMP1 ქალაქის ფარგლებში სამოძრაოდ. მართლაც, დამაინტრიგებლად ჟღერს.


როგორც წყარო იუწყება, „ვალკირიას“ წონა 1030 კილოგრამი იქნება. ამასთანავე, მისი 6,5-ლიტრიანი V12 ძრავის სიმძლავრე 1130 ცხენის ძალას მიაღწევს.


ავტომობილი ორადგილიანია. მგზავრებს მაღლა აწეული ფეხებით ჯდომა მოუწევთ, ისევე როგორც F1 ანდა LMP1 ავტომობილებში. სალონი ძალიან კომპაქტურია. მაგრამ Aston Martin-ის მთავარი კონსტრუქტორის მარეკ რაიჰმანის მტკიცებით, ავტომობილში საშუალო კომპლექციის ორი მოზრდილი ადამიანი თავისუფლად მოთავსდება.


Valkyrie-ს სავარძლებს 3D-სკანერი ექნება, რომლებიც მფლობელის სხეულის ფორმას დააფიქსირებს და გაიმეორებს. სავარძლები უშუალოდ ჩარჩოზე მაგრდება და ოთხწერტილოვანი უსაფრთხოების ღვედებითაა აღჭურვილი. საჭე მოსახსნელია და ცენტრალური დისპლეით არის აღჭურვილია. ამგვარი დიზაინის შედეგად მართვის ყველა ელემენტი ერთ ადგილას იქნება თავმოყრილი. ასე რომ, მძღოლს ავტომობილის მართვისას ხელის წინა პანელზე ცეცება არ მოუწევს.


Valkyrie-ს უკანა ხედვის სარკეები არ ექნება. ამის მაგივრად მას ორი კამერა აქვს, რომლებიდანაც გამოსახულება პირდაპირ დისპლეიზე ტრანსლირდება. ამგვარი სისტემა არა მხოლოდ წონას ამცირებს, არამედ აეროდინამიკური და ესთეტიკური უპირატესობებიც აქვს. სახურავზე ჰაერშემკრებია განთავსებული, ამიტომაც ავტომობილს უკანა საქარე მინა არ ექნება.


Valkyrie-ს ძარა ნამდვილი ხელოვნების შედევრია. მასში ყველაზე გასაოცარი ნამცეცა ნიშანია. გრავირებული ალუმინის ემბლემის სისქე 70 მიკრონს შეადგენს, რაც ადამიანის თმაზე 30%-ით ნაკლებია. ამასთანავე, ემბლემა 99,4%-ით უფრო მსუბუქია, ვიდრე Aston Martin-ის ტრადიციული ემბლემა.


„ვალკირიას“ ფარებიც, ასევე, 30-40%-ით უფრო მსუბუქია, ვიდრე Aston-ის წინა მოდელების ფარები. ამას გარდა, Valkyrie-ს ყველაზე პატარა სტოპ-მაშუქები აქვს. მათი სიგანე 5,5 მილიმეტრი და სიგანე 9,5 მილიმეტრია. უზარმაზარი აეროდინამიკური გვირაბი Ventury იმხელაა, რომ მასში ადამიანიც კი მოთავსდება.

http://funtime.ge

Comments

comments